DSALB Davvisámegiela lohkanbadjeoahppu
- Oahppočuoggá: 30
- Diibmoplána ja deaivvadanplána: TimeEdit
- Oahppoáigi: Ovtta lohkanbaji badjel
- Oahpahan- ja oahppanvuogit: Oahppu lágiduvvo ollesáiggeoahppun. Oahpahusas leat fysalaš deaivvadeamit Sámi allaskuvllas, Guovdageainnus. Deaivvademiide ii leat vejolaš searvat neahta bokte. Deaivvademiid gaskkas studeanttat barget iešheanalis ja gulahallet gaskaneaset ja oahpaheddjiiguin luohká digitála oahppolanjas.
- Oahpahus- ja eksámengiella: Davvisámegiella
- Ohcanwebas: Vállje 2030
- Sisabeassangáibádusat
- Ohccis galgá leat davvisámegiela máhttu mii vástida Sámegiella praktihkalaš dilis – Álgooahppu 2. oassi oahppanjoksosiid.. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
- Forskrift om opptak til høyere utdanning vuođul álgogurssaide ja lohkanbadjeohppui ii gáibiduvvo oppalaš lohkangelbbolašvuohta jus ohccis lea sámi gullevašvuohta daid njuolggadusaid vuođul maid ásahus lea mearridan. Mearrádus guoská sidjiide geain lea sámi gullevašvuohta dáid čuoggáid vuođul:
• Sápmelaš gii lea massán giela, ja gii háliida oahppat sámegiela, dahje
• Bargi almmolaš ásahusas sámegielat guovllus gii háliida oahppat sámegiela, dahje
• Eará (omd. ohcci orru sámi bearrašis dahje sámi guovllus ja háliida oahppat sámegiela) Ohccit galget čállit motivašuvdnareivve mas čilgejit guđe čuoggá vuođul ohcet oahpposaji
- Sisdoallu
Oahpu ulbmilin lea ahte studeanta háhká nu buori čálalaš ja njálmmálaš sámegiela máhtu, ja sámegiela teorehtalaš máhtu, ahte sáhttá oahpu maŋŋil álgit allaskuvlla- ja universitehtadási fágaoahpuide. Davvisámegiela lohkanbadjeoahpus studeanta oahpásnuvvá sámegiela giellaoahpa vuođđoáššiide. Teakstalohkama bokte son oahpásnuvvá sámi čáppagirjjálašvuhtii ja áššeteavsttaide ja nanne iežas praktihkalaš ja teorehtalaš giellamáhtu.
Giellaoahppa:
- oahpásnuvvat sátneluohkáide, sojahanluohkáide ja sátneráhkadeapmái
- oahpásnuvvat cealkkatiippaide, váldo- ja oalgecealkagiidda, cealkkalahtuide ja
cealkkačoavdimii
Teakstalohkan:
- guorahallat čáppagirjjálaš ja áššeteavsttaid sihke giela ja sisdoalu dáfus
Geavatlaš giellageavaheapmi:
- hárjehallat ságastallat beaivválaš ja fágalaš áššiid birra
- hárjehallat ovdanbuktit bargguid njálmmálaččat
- hárjehallat čállit iešguđetlágan teavsttaid
- oahpásnuvvat hupmangiela ja čállingiela erohusaide
- oahpásnuvvat giellagáhttema vuođđoáššiide- Gáibádusat beassat eksámenii
Studeanta galgá leat ožžon dohkkehuvvot 20 geatnegahtton bargguin (čállosiid, hárjehusaid ja/dahje eará čálalaš ja njálmmálaš bargguid) ovdal go beassá eksámenii. Geatnegahtton bargguid fáttát ja áigemearit sohppojuvvojit fágaoahpaheddjiiguin.
- Eksámen
Eksámenis leat guokte oasi, čálalaš ja njálmmálaš oassi:
1. Guđa (6) diimmu čálalaš eksámenis iskojuvvojit kandidáhta čálalaš giellamáhttu, čálalaš giela ipmárdus ja máhttu lohkanmeari birra.
2. Njálmmálaš eksámenis iskojuvvojit kandidáhta njálmmálaš giellamáhttu, njálmmálaš giela ipmárdus ja máhttu lohkanmeari birra. Njálmmálaš eksámen bistá sullii 30 minuhta.Čálalaš eksámen galgá leat dohkkehuvvon ovdal go studeanta beassá njálmmálaš eksámenii. Čálalaš eksámen deaddá ⅔ ja njálmmálaš eksámen ⅓ loahpalaš árvosánis.
Eksámenat árvvoštallojuvvojit ECTS-vuogádaga mielde, mas A lea buoremus árvosátni ja E lea vuolimus ceavzinárvosátni. F-árvosátni mearkkaša, ahte ii leat ceavzán.
