Dieđut

Mii lea Dieđut?

Dieđut lea máŋggadieđalaš čálaráidu, man Davviriikkaid Sámi Instituhtta lea almmustahttán 1974 rájes. Čálaráidu gaskkusta sámedutkama bohtosiid. Davviriikkaid Sámi Instituhtta lea ovttastuvvan Sámi allaskuvllain, muhto Dieđutráidu almmuhuvvo nu go ovdal. Dieđut-ráiddus almmuhuvvojit sihke artihkkalčoakkáldagat ja sierranas dutkamušat servodat-,  gielladutkamis ja láhkadiehtagis. Almmuheamit leat sáme-, dáro-, ruoŧa-, suoma-, eŋgelas- ja ruoššagillii.

Doaimmahusgoddi

Váldodoaimmaheaddji - Professor Ylva Jannok Nutti

Doaimmahuslahttu - Professor Annika Pasanen

Doaimmahuslahttu - Vuosttašamanueansa Berit-Ellen Juuso

Doaimmahusgotti čálli - Dutkanráđđeaddi Maia Hætta

Rabas rávkan

 

Áigemearit sáddet evttohusa

 

Áiggošit go almmuhit Dieđut-girjji?

Dieđut-ráiddu doaimmahusgoddi bovde čálliid/dutkiid sáddet evttohusaid  artihkkalčoakkáldagaid dahje girjjiid birra. Evttohusaide leat golbma molssaeavttu:  

  1. Sáhtát evttohit fáttá artihkkalčoakkáldahkii, masa čállit leat bovdejuvvon rabas bovdejumi bokte sáddet abstrávtta sisa.  
  2. Sáhtát evttohit artihkkalčoakkáldaga, masa dus leat juo dieđus čállit buot artihkkaliidda ja mas don sáhtát doaibmat guosseváldodoaimmaheaddjin. 
  3. Sáhtát evttohit almmuhit iežat dutkanteavstta Dieđut-girjin, ja sáhtát namuhit dasa  guosseváldodoaimmaheaddji. 

Sádde evttohusa čuovvovaš sisdoaluin: 

  • Dutki namma, bargosadji ja oktavuođadieđut 
  • Jus evttohat fáttá artihkkalčoakkáldahkii masa čállit sáhttet sáddet abstrávttaid sisa: sádde sisa teavstta mas ovdanbuvttát fáttá fágalaččat ja čilget manne fáttá lea áigeguovdil. 
  • Jus evttohat olles Dieđut- artihkkalčoakkáldaga dahje Dieđut- girjji 
  • Dieđut- artihkkalčoakkáldat: sádde abstrávtta/čoahkkáigeasu ja dieđuid čálliid ja sin artihkkaliid birra, ja evttot guosseváldodoaimmaheaddji  
  • Dieđut- girji: sádde abstrávtta/čoahkkáigeasu sisa ja evttot guossedoaimmaheaddji. 

Fágaguoibmeárvvoštallan dábálaš dieđalaš geavadagaid mielde.  

Rávvagat čálliide

 

Fágaguoibmeárvvoštallan

 

Ovddeš almmuheamit Dieđut-ráiddus

Dieđut-girjjiid sáhttá oastit Diehtosiidda ovdakantuvrras, dahje diŋgot dán e-poastačujuhusas: orderbook@samas.no (sáddengolut lasihuvvojit).


Dás gávnnat buot Dieđut girjjid mat leat almmuhuvvon, oktan hattiiguin (girjehaddái lasihuvvojit sáddengolut)

Oastit Dieđut-girjji

Dieđut-girjjiid sáhttá oastit Diehtosiidda ovdakantuvrras, dahje diŋgot dán e-poastačujuhusas: orderbook@samas.no (sáddengolut lasihuvvojit).