Boahtte čavčča mii fállat sihke guhkit oahppoprográmmaid ja oanehat individuála oahpuid. Don ozát prográmmaohppui Samordna Opptak bokte. Ovttaskas oahput, jahkeovttadagat ja eará oahput mat eai leat almmuhuvvon Samordna Opptak bokte gávdnojit SøknadsWebas.

Manne Sámi allaskuvlii?
Buot min oahpuin lea sámi ja álgoálbmotperspektiiva, mii mearkkaša ahte maŋŋel go leat čađahan oahpu, de lea dus erenoamáš gelbbolašvuohta iešguđetlágan bargguide sámi servodagas.
 

Jus háliidat studeret ealli sámi birrasis, gos sáhtát maid oahpásmuvvat eará guovlluin Sámis, boađe máilmmi áidna sámi alit oahppoásahussii - Sámi allaskuvlii!

Jus dus leat jearaldagat ohcama dahje ohcanproseassa ektui, de váldde oktavuođa oahppohálddahusain e-poastta bokte: oahppohalddahus@samas.no.