Sámi statistihka fágalaš analysajoavku (FASS) bovde "Sámi logut muitalit 17" almmuheapmái. Raportta ovdanbuktet FASS-joavkku lahtut, ovttas čálliiguin Sámedikkis, Kárasjohkas gaskavahkku 19. b. skábmamánus 2025 dii 10.30.

 Geahča prográmma das
Sámediggi rávdnje almmuheami web tv:as, dá liŋka: "Sámi logut muitalit 17" almmuhanseminára/"Samiske tall forteller 17" lanseringsseminar

- Dán jagáš Sámi logut muitalit čájeha ođđa ja dehálaš perspektiivvaid Duohtavuođa- ja seanadankommišuvnna barggus. Dat čájeha movt gažaldagat máŋggabealatvuođa ja fámu birra meannuduvvojit, movt mediat váikkuhit almmolašvuođa, gii lea juogadan iežas persovnnalaš muitalusaid, movt majoritehtaálbmot ádde dáruiduhttima ja soabaheami, ja makkár dilis sámegieloahpaheaddjit leat skuvllas, maid čuvvot ođasmahttojuvvon statistihkalaš čoavddalogut. Dát addá viiddis máhttovuođu ovddasguvlui, dadjá FASS jođiheaddji, Inger Marie Gaup Eira. 

"Sámi logut muitalit 17" artihkkaliid sisdoallu ja čállit.

Dán jagáš raporttas leat guhtta artihkkala mat čuvgejit Duohtavuođa- ja seanadankommišuvnna barggu iešguđet beliid ja sámi servodatgažaldagaid.  

• Torkel Brekke čállá movt máŋggabealátvuođa-doaba lea adnon mihttun ja gaskaoapmin Duohtavuođa- ja seanadankommišuvnna raporttas. 

• Eva Josefsen, Eli Skogerbø ja Gabriella Tjelta Hansen analyserejit movt media leat gokčan Stuorradikki meannudeami raportta birra. 

• Torkel Rasmussen čállá Duohtavuođa- ja seanadankommišuvnna persovnnalaš muitalusaid birra- sin birra geat serve ja maid sii muitaledje. 

• Jonas Stein, Eva Josefsen ja Else Grete Broderstad guorahallet dáruiduhttima ja soabadeami. 

• Kamil Øzerk ja Hege Merete Somby čálliba ahte sii geaidda ášši guoská sin fertejit guldalit, ja geahčadeaba geat vuođđoskuvlla sámegieloahpaheaddjit leat. 

• Christian Molstad ovdanbuktá Statistihkalaš guovddášdoaimmahagas (SGD) statistihkaid muhtin servodatsurggiin. 

Sihke dán jagáš artihkkalat ja daid ovddit Sámi logut muitalit artihkkaliid sáhtát lohkat sihke dárogillii ja sámegillii neahttasiiddus: www.samilogutmuitalit.no.