Norgga AI – Sámiid olggušteapmi vai algoritma ovttaveardásašvuohta

Almmuhuvvon: 13. Bor 2025
Ođastuvvon: 13. Bor 2025
arendals uka
Sámi allaskuvlla bargit geat barget Sámi AI lab prošeavttas leat oassálastán ikte Arendalváhkus ja leat  ovdanbuktán iežaset vásáhusaid sámiid akademalaš struktuvrraid huksemis. Sii leat maiddái muitalan movt lea bargan Sámi AI:n ja makkár ovdánanvejolašvuođaid leat Sámi allaskuvllas goanstajierpmi ovdánemiin.  
 
Panelas leat gažadan maid mielddisbuktá olggušteamit goanstajierpmi dásis, go AI-modeallat mat leat ráhkaduvvon USA:s ja Kiinnás eai álo govčča Norgga árvvuid. Norgga dutkanráđđi lea juolludan AI-miljárdaid guđa Norgga nationálaguovddážiidda ja muhtin plánain namuhuvvojit sámi guoskevaš fáttát.
 
Ovttastuvvan Našuvnnaid váldočálli,  António Guterres, dadjá ná eamiálbmogiid ja AI birra: “Álgoálbmogiid mearkkašahtti oassálastima haga dát seamma teknologiijat sáhttet bisuhit daid ovdalaš olgguštanvugiid, ovdanbuktit boastut kultuvrraid ja rihkkut vuođđovuoigatvuođaid.“
Arendalavahkus de panelaságastallamis politihkkárat dorjo dan ahte sámit berrejit leat mielde hukseme AI reaidduid ja bargame iežaset guoski dieđuiguin ja nannet gelbbolašvuođaloktemiid.

Panelságastallamis serve:

Henrik Samuel Valkeapää - Prorektor, Sámi allaskuvla
Lars Ailo Bongo - Professor, UiT Norgga árktalaš universitehta
Svein Arne Brygfjeld - Spesialráđđeaddi, Nasjonalbiblioteket
Jonas Engestøl Wettre - prošeaktajođiheaddji, Teknologirådet
Anne Christine Linnestad  - Stuoradiggeáirras Olgešbellodagas
Agnete Masternes Hanssen - Stáhtačálli Bargiidbellodagas

Panelságastallama jođihii:
Inger Elin Kristina Utsi – Ossodatdirektevra gulahallamis, sámediggi

eanet dieđuid ja gáldut:
https://www.arendalsuka.no/programsoek/details/21268
https://www.khrono.no/ki-og-trump-tema-i-arendal-ny-rekord-igjen/978612
https://www.nora.ai/events/2025/arendalsuka.html
https://m.youtube.com/watch?v=Kjo5wyaLutY
https://www.youtube.com/watch?v=KiiKyrO-l24

 
Govven: Samuel Valkeapää