SER 101 Ovdalaš sámi ealáhus- ja birgenlágit
Oahpus studeanta oažžu ovdalaš sámi ealáhuslágiid váldodieđuid nu go dat bohtet ovdan čálalaš gálduin ja dutkamiid vuođul, ja das maiddái sápmelaččaid iežaset čilgehusain mat muhtun muddui leat sámegillii dehe refererejuvvon eará gielaide. Oahppan fátmmasta moattečuođi jagi badjel.
- Oahppočuoggá: 10
- Diibmoplána ja deaivvadanplána: Time Edit
- Oahppoáigi: Ovtta lohkanbaji badjel
- Oahpahan- ja oahppanvuogit: Oassi oahpahus lágiduvvo fysalaččat Sámi allaskuvllas ja oassi neahttaoahpahussan. Oahpahus lágiduvvo logaldallamin, joavkobargun ja čuovvovaš studeantaságastallamin, ja bagadallamin. Vurdojuvvo ahte studeanttat servet aktiivvalaččat deaivvademiide ja neahttaoahpahussii
- Oahpahus- ja eksámengiella: Davvisámegiella. Muhtun logaldallan sáhttá davviriikkalaš gielaide dehe eŋgelasgillii. Oahpahus eaŋgalsgillii ii dulkojuvvo. Eará gielaid oahpahus dulkojuvvo dárbbu mielde
- Ohcanwebas: Vállje 4015
- Sisabeassangáibádusat
- Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus.
- Davvisámegielmáhttu.
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
- Sisdoallu
Oahpus studeanta oažžu ovdalaš sámi ealáhuslágiid váldodieđuid nu go dat bohtet ovdan čálalaš gálduin ja dutkamiid vuođul, ja das maiddái sápmelaččaid iežaset čilgehusain mat muhtun muddui leat sámegillii dehe refererejuvvon eará gielaide. Oahppan fátmmasta moattečuođi jagi badjel.
- Gáibádusat beassat eksámenii
Čuovvovaš gáibádusat leat eaktun beassat eksámenii:
• Searvan joavkobargui ja ráhkkanan 10-minuhtasaš ovdanbuktimii dan birra.
• Searvan bagadallanseminárii mas joavku ovdanbuktá joavkkobarggu ja dan maŋŋel vástida gažaldagaide ja digaštallá mielstudeanttaiguin.
• Čađahan ja ožžon ovtta individuála bargogáibádusa dohkkehuvvot, mii lea oanehis čálalaš bargu, unnimusat 2 siiddu.- Eksámen
5-beaivásaš čálalaš ruovttueksámen mas studeanta vállje vástidit ovtta golmma gažaldagas. Vástádusa guhkkodat galgá leat 4-6 siiddu.
Eksámenbargu árvvoštallojuvvo ECTS-vuogádaga árvosániid mielde, mas buoremus árvosátni lea A ja vuolimus ceavzinárvosátni lea E. F árvosátni mearkkaša ahte ii leat ceavzán
Oahppoplána Ovdalaš sámi ealáhus- ja birgenlágit
