SAM-1003 Ođđaset sámi prosa
Oahpus guorahallojuvvojit sámi novealla- ja románateavsttat 1970-logu rájes gitta otná beaivái. Oahppu oahpásnuhttá studeantta sámi prosagirjjálašvuođa áigeguovdilis fáttáide ja temáide ja sámi prosačállima mearkkašupmái sámi servodahkii.
- Oahppočuoggá: 10
- Diibmoplána ja deaivvadanplána: TimeEdit
- Oahppoáigi: Ovtta lohkanbaji badjel
- Oahpahan- ja oahppanvuogit: Oahppu lágiduvvo neahttadoarjjaoahpahussan: Logaldallamat leat neahta bokte ja lohkanbaji áiggi leat guokte bagadallanseminára Sámi allaskuvllas, Guovdageainnus. Bagadallansemináraide ii leat vejolaš searvat neahta bokte
- Oahpahusgiella:
- Ohcanwebas: Vállje 2106
- Sisabeassangáibádusat
Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus. Go oahppu lágiduvvo sámegillii, de olgoriikkaohcciide ii gusto dárogielgáibádus, vrd. Forskrift om opptak til høgare utdanning § 2-2 (6). Sámegielmáhttu.
- Sisdoallu
Oahpus guorahallojuvvojit sámi prosagirjjálašvuođa mihtilmas dáiddalaš ovdanbuktinvuogit ja daid ovdáneapmi historjjálaččat.
- Gáibádusat beassat eksámenii
Ohppui gullet guokte geatnegahtton barggu:
1. Njálmmálaš ovdanbuktin bagadallansemináras válljejuvvon fáttás, sullii 15 minuvtta
2. Čálalaš bargu (3-4 siiddu) mii ovdanbuktojuvvo nuppi bagadallanseminárasBarggut galget leat dohkkehuvvon ovdal go studeanta beassá eksámenii.
- Eksámen
10 beaivásaš čálalaš ruovttueksámen. Studeanta čállá 10–12-siidosaš oktagaslaš fágalaš essea válljejuvvon fáttás. Fáddá šihttojuvvo ovddalgihtii fágaoahpaheaddjiin.
Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán.
