SÁM-1002 Láidehus sámi girjjálašvuođadiehtagii
Oahppu láidesta sihke njálmmálaš ja čálalaš sámi girjjálašvuhtii ja addá vuođđogálggaid sátnedáiddadujiid analyseremii ja dulkomii.
- Oahppočuoggá: 10
- Diibmoplána ja deaivvadanplána: TimeEdit
- Oahppoáigi: Ovtta lohkanbaji badjel
- Oahpahan- ja oahppanvuogit: Logaldallamat, girjjálašvuođa analysabarggut ja njálmmálaš ovdanbuktimat. Logaldallamat leat neahta bokte ja lohkanbaji áiggi leat guokte fysalaš deaivvadeami Sámi allaskuvllas, Guovdageainnus. Ii leat vejolaš searvat fysalaš deaivvademiide neahta bokte
- Oahpahusgiella:
- Ohcanwebas: Vállje 2104
- Sisabeassangáibádusat
Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus. Go oahppu lágiduvvo sámegillii, de olgoriikkaohcciide ii gusto dárogielgáibádus, vrd. Forskrift om opptak til høgare utdanning § 2-2 (6). Sámegielmáhttu.
- Sisdoallu
Oahpu ulbmil lea oahpásnuvvat
1) sámi girjjálašvuhtii ja sámi girjjálašvuođa fágasuorgái,
2) girjjálašvuođa dutkama vuođđodoahpagiidda ja vuolggasajiide ja
3) sihke njálmmálaš ja čálalaš sámi girjjálašvuođa muhtun guovddáš teavsttaide.
- Gáibádusat beassat eksámenii
Ohppui gullet guokte geatnegahtton barggu:
1. Čálalaš bargu girjjálašvuođas (lyrihkka dahje prosa). Čállosa guhkkodat lea 2-3 siiddu.
2. Njálmmálaš ovdanbuktin árbevierrosuorggis. Ovdanbuktima guhkkodat lea gaskal 5 – 10 minuhta.Barggut galget leat dohkkehuvvon ovdal go studeanta beassá eksámenii.
- Eksámen
10-beaivásaš čálalaš ruovttueksámen. Studeanta čállá 10–12 -siidosaš oktagaslaš fágalaš essea válljejuvvon fáttás. Fáddá šihttojuvvo ovddalgihtii fágaoahpaheaddjiin.
Árvosánit addojuvvojit ECTS vuogádaga mielde, mas A lea buoremus árvosátni ja E lea vuolemus ceavzinárvosátni. F árvosátni mearkkaša ahte ii leat ceavzán.
