Transdisiplineara dutkan seminára
12.09.25 dii 12.00 SáhkaskáidiSeminára mas dieđateoriija ja etihka professor Matthias Kaiser logaldallá transdisiplineara dutkama birra
Mii bovdet din seminárii mas dieđateoriija ja etihka professor Matthias Kaiser logaldallá transdisiplineara dutkama birra. Transdisiplineara dutkan čatná bistevašvuođa jurddašeami ja boahtteáiggi jurddašeami oktii! Transdisiplinárala dutkan lea dutkanvuohki mii čatná oktii dieđalaš ja servodatlaš čuolmmaid, ja ovttastahttá akademalaš dieđu oktii vásáhusaiguin, árbevirolaš ja báikkálaš dieđuguin. Ulbmil lea ovddidit ođđa ipmárdusaid, das mii doaibmá ja mas lea sihke dieđalaš árvu ja mii sáhttá váikkuhit servodaga rievdamii. Seminára addá earenoamáš vejolašvuođa oahppat ja fuomášit movt transdisiplineara dutkan sáhttá ráhkadit šaldiid máŋggalágan máhttovuogádagaid gaskka, ja nu váikkuhit sihke dieđalaš ovdáneami ja servodatlaš transformašuvnna. Searvva don ge guldalit movt máhttorájiid rastildeapmi sáhttá hábmet bistevaš boahtteáiggi.
