Sámi allaskuvlla ođđa professoriid virgáibidjan- ja virggisluohpanseremoniija
Sámi allaskuvlla allaárvosaš professoriid virgáibidjan- ja virggisluohpanseremoniija.
Áigodagas 2019-2025 leat čiežas nammaduvvon professorin Sámi allaskuvllas, ja nu olahan dan alimus dási akademiijas. Sii leat Harald Gaski, Annika Pasanen, Hanna Máret Outakoski, Torkel Rasmussen, Hege Merete Somby, Ylva Jannok Nutti ja Johanna Ijäs Gaup.
Sámi allaskuvllas lea vierrun lágidit professoriid virgáibidjanseremoniija mas geiget sidjiide professorsoappi. Dán háve lea maiddái virggisluohpanseremoniija. Dán ávvodilálašvuođas beasat maid gullat professoriid fágalaš olahemiid ja áigumušaid.
Prográmma
11:00 Beaiveborramuš bovdejuvvon gussiide
12:00 Bures boahtin professoriidda ja gussiide
Rektor Liv Inger Somby
Sárá Nilut juoigá
12:20 Sámi sosiolingvistihka professor Annika Pasanen
Mii lea Sámis gelddoleamos? Gielladilit ja daid rievdadusat ovttaskas olbmo ja servodaga dásis!
12:50 Sámi sosiolingvistihka professor Torkel Rasmussen
Manne válljejin giellasosiologiija ja masa mii dárbbašit dan?
13:20 Sámegiela professor Johanna Ijäs Gaup
Sámi mánáid giella lingvisttalaš geahčastagas
13:50 Gáffeboddu
14:20 Pedagogihka professor Ylva Jannok Nutti
Sámi oahpahusdutkan pedagogalaš dutki čalmmiiguin
14:50 Sámegiela ja sámi gielladidaktihka professor Hanna Máret Outakoski
Gielalaš jurddaproseassa ipmárdus gielladidaktihka vuođđun
15:20 Pedagogihka professor Hege Merete Somby
Mo fátmmasteapmi šaddá assimileremin oahpahuskonteavsttas?
15:50 Professor sámi girjjálašvuođas Harald Gaski
Teaksta ja konteaksta – moadde fágahistorjjálaš fuomášumi girjjálašvuođadutkama viidodaga hárrái
16: 15 Loahpaheapmi
Sárá Nilut juoigá
Bures boahtin Diehtosiidii, Guovdageainnus!