Dutkanbeaivvit 2025 Duodjeeahket oktan ságastallamiin Guatemala vásáhus

Váldde mielde unnebuš duoji dahje boađe beare guldalit maid Sámi allaskuvlla vuosttašamanueansa Maaret Magga muitala iežas Guatemala mátki birra. 

Ulbmil mátkkiin lei viiddidit tekstiiladáidaga ipmárdusa ja guorahallat movt dan sáhtášii heivehit duodjái, go deaivvada eará eamiálbmotservodagain.

Mii dáhpáhuvvá:

• Maaret Magga muitala resideansamátkkis Guatemalai ja čájeha govaid ja dujiid
• Ságastallan das mo duodji ja duddjon buktet oadjebasvuođa
• Snoahpamuš ja mingling

Goas: Gaskavahkku  24.09 dii 18-20

Gos: Diehtosiida kantiinas  

Lágideapmi lea rabas buohkaide. Bures boahtin! 

Eambbo Dutkanbeivviid birra: 

Dán jagi Dutkanbeivviid fáddá – dorvvolašvuohta – lea viiddis fáddá mii sáhttá dulkojuvvot iešguđet láhkai ja lea dehálaš fáddán viidát dutkanbirrasiin.

Fáddáválljema ulbmilin lea čalmmustahttit dilemmaid ja áššiid mat addet ođđa máhtu ja boktet áŋgiruššama. Dát fáddá sáhttá vuolggahit dehálaš ságastallama identitehta, kulturárbbi ja ceavzilvuođa birra eamiálbmotperspektiivvas.

Dutkanbeaivvit leat nationála, jahkásaš festivála man Norgga dutkanráđđi lágida juohke jagi 1995 rájes. Dutkanbeaivvit leat ásahuvvon nannet beroštumi dutkamii ja alit ohppui, ja čájehit mo dutkan guoská midjiide buohkaide árgabeaivvis.

Festivála lágiduvvo miehtá riikka universitehtaid, allaskuvllaid, dutkaninstituhtaid, girjerájuid, museaid ja ealáhuseallima oassálastiiguin.