Dutkanbeaivvit 2025 Digitála lunšalogaldallan: Amerihká politihkka eamiálbmogiid geahčastagas
Dutkanbeivviid 2025 oktavuođas bovde Sámi Allaskuvla digitála lunšalogaldallamii Ellen Marie Jenseniin.
Ellen Marie Jensen logaldallá Amerihká politihkka eamiálbmogiid geahčastagas. Logaldallan lea eŋgelasgillii.
Goas: Gaskavahkku 24.09 dii 11-12
Gos: Stealládat lanjas ja neahtas.
Diehtosiiddas guossohuvvo gehppes lunšaborramuš.
Eambbo Dutkanbeivviid birra:
Dán jagi Dutkanbeivviid fáddá – dorvvolašvuohta – lea viiddis fáddá mii sáhttá dulkojuvvot iešguđet láhkai ja lea dehálaš fáddán viidát dutkanbirrasiin.
Fáddáválljema ulbmilin lea čalmmustahttit dilemmaid ja áššiid mat addet ođđa máhtu ja boktet áŋgiruššama. Dát fáddá sáhttá vuolggahit dehálaš ságastallama identitehta, kulturárbbi ja ceavzilvuođa birra eamiálbmotperspektiivvas.
Dutkanbeaivvit leat nationála, jahkásaš festivála man Norgga dutkanráđđi lágida juohke jagi 1995 rájes. Dutkanbeaivvit leat ásahuvvon nannet beroštumi dutkamii ja alit ohppui, ja čájehit mo dutkan guoská midjiide buohkaide árgabeaivvis.
Festivála lágiduvvo miehtá riikka universitehtaid, allaskuvllaid, dutkaninstituhtaid, girjerájuid, museaid ja ealáhuseallima oassálastiiguin.