Juovlamánu 31.beaivvi 2025 almmuhuvvui Sámi dieđalaš áigečála (SDÁ) fas. Dás leat njeallje artihkkala ja dát almmuhuvvui seammá beaivvi go váldodoaimmaheaddji Harald Gaski vulggii ealáhahkii.

 -Leat leamaš miellagiddevaš beassat leat mielde SDÁ ođasmahttimis vai deavdá riikkaidgaskasaš gáibádusaid OA (Open Access) dieđalaš áigečállagiidda, ja sávan sihke Sámi dieđalaš áigečállagii ja Sámi allaskuvlii ahtanuššama ja lihkostuvvama boahttevaš jagiid, dádja Gaski

Dát njealje artihkkalat lea dán nummáris:

Olbmot ja eallit Sámis
Mikkel Nils Sara, Lovisa Mienna Sjöberg (s. 1–25)

Mii lea sámi sátnevájas? Gielalaš fuomášumit sámi sátnevádjasiid birra
Guillaume Gibert (s. 27–59)

Máhccetgo ruoktot? Sámi ja inuihta realisttalaš nuoraidrománaid queer intersekšuvnnalaš representašuvdna, identitehta ja kritihkka
Saia Marilena Stueng (s. 61–88)

Várjjaga sisabahkkema historjá: Fápmobáiki Várggáid ladni luohti, gonagasa rápmi vai guovllu sámiid ilgadis luohti?
Mai Britt Utsi (s. 89–124)

Rektor dadjá ná SDÁ 2025 birra
– Lea gal erenoamaš ahte professor Harald Gaski almmuhii velá Sámi dieđalaš áigečállaga seamma beaivvi go manai ealáhahkii. Gaski lea leamaš váldodoaimmaheaddjin dán áigečállagis máŋggaid jagiid, ovttasbargguin UIT Norgga árktalaš universitehtain, ja leat hui miellagiddevaš fáttát.  Sámi allaskuvlii lea gudningo nuorra ja eallilan dutkit čállet fáttáin maid sii dutket, numo girjjálašvuođa doavttergrádadutkit Saia Marilena Stueng ja Mai Britt Utsi.  Stueng guorahallá nuoraid girjjálašvuođa ja Utsi ges Várjjatguovllu luđiid, Nuorta-Finnmárkkus. Sámi allaskuvlla ovddeš bargiguovttos, Dr. Mikkel Nils Sara ja Dr. Lovisa Mienna Sjöberg, leaba fas guorahallan vieruid ja muitalusaid vissis elliid birra, eallit mat leat olbmuide lagas eallit ja maiddái meahcceelliid birra.  Lea maid miellagiddevaš go fránskalaš dutki Guillaume Gibert dutká sátnevadjasiid.

Loga Sámi dieđalaš áigečála dás